Súmate ás mariscadoras de Cambados en Galicia e, ataviado coas tradicionais botas de auga, traballa con elas a pé de praia, recollendo todo tipo de ameixas. Aprende todos os segredos do proceso do marisqueo, desde a extracción até a comercialización, nesta excursión de turismo mariñeiro. Está condicionada pola baixamar, polo que non se realiza todos os días. Tamén se levan a cabo outras rutas como visitas ao barrio mariñeiro e ao porto pesqueiro.
Únete ás mariscadoras de Carril en Vilagarcía de Arousa e traballa con elas a pé de praia, recollendo as mundialmente coñecidas ameixas de Carril. Aprende todos os segredos da cría de ameixas, os utensilios e o seu cultivo nesta excursión de turismo mariñeiro pensada para toda a familia. Entre as moitas actividades que organiza a asociación de mariscadoras AmarCarril, destacan as visitas guiadas á illa de Cortegada.
Os currais son construcións que usurparon terreo ao mar para aproveitar as mareas en favor da pesca. Non está totalmente claro se a súa orixe é de época romana, fenicia ou árabe, pero o que si é certo é que pon de manifesto o importante patrimonio cultural de Rota na arte da pesca. Teñen un gran valor cultural, arqueolóxico e natural. Merecen unha protección especial, por iso foron declarados o primeiro Monumento Natural de Andalucía.
