O Camiño do Mar, que está recoñecido como ruta xacobea, está documentado ao longo do tempo como un camiño de peregrinación pola costa até Viveiro, e que segue por esta até conectar co Camiño Inglés en Neda. Percorréndoo poderá gozar do literal cantábrico de Galicia para avanzar pola costa do Ortegal e a comarca de Ferrolterra, descubrindo paisaxes, natureza e os seus pobos, tradicións mariñeiras e cultura. Así mesmo, pasará polos antigos lugares de peregrinación, atopará a catedral máis antiga de España, a Basílica de San Martiño, e atravesará o segundo lugar de peregrinación de galicia, San Andrés de Teixido, para finalmente chegar ao primeiro, a Catedral de Santiago de Compostela.
O Camiño do Mar transcorre polos concellos de Ribadeo, Barreiros, Foz, Burela, Cervo, Xove, O Vicedo, Mañón, Ortigueira, Cariño, Cedeira, Valdoviño e Neda, onde intersecciona co Camiño Inglés até chegar a Santiago.
